Албумот број 4 на ПМГ Колектив носи наслов "А Векот Така Добро Започна". Излегува во среда, 4 мај 2011 во музичките продавници во Скопје (следи датум и за останатите македонски градови). Снимен потполно во живо во студиото "Чикен Меднес" од страна на Ивица Јанкуловски, продуциран од Љупа Ангелов и Кантон 6, ова е најорганскиот и веројатно најзрел албум на бендот досега. Синиша Евтимов-гитара, Александар Гавровски-бас, Здравко Кеврешан-тапани и Мирко Попов-вокал, е составот кој стои позади овој материјал. Од музички аспект, бендот стои цврсто на танцовата пост-панк линија, со сирови ивици и карактеристична мелодичност. Авангарден минимализам кој функционира паралелно со рефрени доследни за еден продлабочен поп концепт. Но противречностите не завршуваат тука. Лириката носи силна националистичка нота, небаре овој бенд е единствениот фактор на браникот на Македонија во последните години пред нејзиното пропаѓање како држава и конечна поделба. Ќе биде потребна извесна доза на лично залагање и екстра енергија од страна на слушателот да ги регистрира сите релевантни коти на овој албум. Но најпрво ќе треба да се купи.

Со среќа.

New PMG Kolektiv album hits the stores (Skopje) on may the 4th be with you. Empathically named "So Last Century" it tells an emotional story of a society at the end of it's days as we know it. Lyrically quite dubious and artfully nationalistic, sonically very minimal with a rough dance edge, it's a pure challenge to the listener. Not pop, nor punk, nor hip-hop, but a world of it's own, no matter the comparisons that springs in mind. You wouldn't be interested anyway. Mazel-tov.